-
E1南威爾斯 - 兒童醫院 (I)
<撞鬼自駕遊>載譽歸來，ViuTV小鬼王193搵嚟新拍檔米露迪，再次勇闖歐洲自駕遊撞鬼！第一站就到南威爾斯有近二百年歷史嘅Craig Y Nos Castle。
-
E2南威爾斯 - 兒童醫院 (II)
<撞鬼自駕遊II>繼續喺南威爾斯Craig Y Nos Castle靈探。193同米露迪深入荒廢幾十年嘅兒童醫院，仲要喺昔日嘅病房玩四角遊戲，會唔會突然多咗啲小朋友靈體陪佢哋齊齊玩㗎？
-
E3南威爾斯 - 古堡劇院
193同米露迪繼續深入南威爾斯Craig Y Nos Castle靈探。意大利女高音買入城堡之後在此去世，傳說佢嘅鬼魂仲喺古堡劇院內出沒！空無一人嘅劇院入面，竟然傳出巨響！
-
E4曼城市郊 - 尋找傳說中的幻形怪
193同米露迪去到曼城市郊，一個青銅時代已經存在嘅黑暗森林，尋找傳說中專捉小朋友嘅Boggart(幻形怪)！米露迪仲帶咗啲嘢返酒店，搞到佢當晚......
-
E5威爾斯中部 - 猛鬼劇院 (I)
主持想去威爾斯中部最古老嘅猛鬼劇院Albert Hall Theatre靈探，不過遇上阻滯，但係竟然喺劇院門外見到疑似靈體？成間劇院由舞台、後台、觀眾席到地牢，處處詭異，靈探儀器閃個不停，到底呢間劇院有咩咁猛料？
-
E6威爾斯中部 - 猛鬼劇院 (II)
<撞鬼自駕遊II>直入威爾斯中部最古老嘅猛鬼劇院，高靈化妝師同導演都話有靈體出現，嚇到全體心都離一離！但193同米露迪仲要挑戰膽量，喺舞台上同靈體溝通，更話要做一樣嘢吸引小朋友靈體！
-
E7威爾斯 - 猛鬼酒吧
193同米露迪勇闖威爾斯最猛鬼酒吧。呢度曾經係法庭，問吊過唔少重犯，招惹厲鬼冤魂！兩位主持仲要喺酒吧瞓一晚。193仲未瞓覺，已經喺床下底發現...！
-
E8布里斯托 - 大頭針工廠
布里斯托曾經有一座大頭針工廠，18世紀時僱用大量童工，但係工作環境惡劣，令唔少童工傷亡。193同米露迪就要走入呢間昔日工廠，尋找當年嘅血淚痕跡，甚至搵出枉死嘅童工亡靈！
-
E9布里斯托 - 猛鬼酒店 (I)
布里斯托有一間酒店，被譽為英國最猛鬼酒店，兩位主持當然要親身瞓返兩晚，睇吓佢有幾猛！傳聞全酒店最猛鬼嘅160號房間，到底會由邊位主持入住？又會喺房間內玩咩招靈遊戲？
-
E10布里斯托 - 猛鬼酒店 (II)
193同米露迪繼續入住全英國最猛鬼酒店，被選中要住最猛鬼嘅160號房嗰位主持，要獨自喺漆黑嘅房內玩招靈遊戲，最終佢感唔感應到靈體嘅存在？
-
E11愛爾蘭 - 戰爭博物館
<撞鬼自駕遊II>衝出英國，前往愛爾蘭繼續撞鬼！一間佔地5000呎嘅戰爭博物館，收藏過萬件真實用過嘅槍械、戰車同軍服。呢啲殺過人嘅武器，會唔會依附住死去嘅士兵亡靈？
-
E12愛爾蘭 - 修道院
193同米露迪嚟到愛爾蘭一間有接近1000年歷史嘅修道院。廢墟雖然只剩低教堂同迴廊，但就埋藏住一個金棺材嘅傳說，兩位主持能唔能夠喺廢墟之中搵到金棺材？
-
E13都柏林 - 300年歷史監獄
都柏林50公里外，一座有300年歷史嘅監獄。監獄人滿為患，糧食不足，枉死嘅囚犯不計其數，仲發生過多宗靈異事件。193同米露迪闖入監獄地牢以及囚室，同死囚嘅靈體緊密接觸！
-
E14都柏林 - 愛爾蘭地獄火俱樂部
都柏林嘅荒山之上，有一間被稱為「愛爾蘭地獄火俱樂部」嘅石屋。成員以酗酒同放蕩聞名，更有傳係魔鬼嘅崇拜者！193同米露迪深入俱樂部遺址，尋找魔鬼嘅足跡。
-
E15愛爾蘭 - 最猛鬼古堡
<撞鬼自駕遊II>最後一集打大佬，直闖被稱為愛爾蘭最猛鬼古堡嘅Charleville Castle。193剛開始已經破戒違反古堡禁令，招致咩後果？古堡內傳說有小朋友意外慘死，亡靈一直喺樓梯徘徊，193同米露迪見唔見到佢？
