-
E1火警逃命自救實錄 (I)
既然參與以「災難」做主題嘅節目，四位主持又點可以冇經歷返一次災難呢？今次佢哋就會體驗由製作組設計嘅火災逃難考驗，睇吓佢哋點樣逃命自救，過程中仲會面對接踵而來嘅突發情況，務求唔畀佢哋有喘息嘅機會！
-
E2火警逃命自救實錄 (II)
面對一系列嘅突發情況同看似無路可途嘅絕境之後，四位主持連同途中拯救嘅女傷者終於搵到一個單位暫避，等待消防救援。
-
E3火災陷阱偵查
某座神秘嘅大宅，喺不久嘅將來會發生火警。為咗阻止火災發生，四位嚟自未來嘅消防偵探，穿越時空嚟到大宅，努力搵出潛在嘅火災陷阱。
-
E4颱風暴雨前的防災準備
夏天，為大地帶嚟狂風暴雨。喺颱風吹襲之前，好多人都會用膠紙黐玻璃窗，做好防災準備。四位主持今次一人一窗，各自用自己嘅方法，利用膠紙黐好玻璃窗，測試吓可唔可以抵擋到「颶風」嘅挑戰。
-
E5水災求生須知
洪水沖走喺災民嘅畫面，經常都可以喺新聞片段出現。所以今集一班主持，將會學習喺遇到水災嘅時候，點樣可以利用隨身物品喺水上求生。佢哋仲好有實驗精神，測試《鐵達尼號》「兩個只能活一個」嘅經典場面。
-
E6求生儲備攻略
一則神秘嘅廣播，預告一場災難即將來臨。面對突如其來嘅狀況，四位主持立即出發去超級市場，蒐購避難物資。但係望住咁大間超級市場，要買啲乜嘢，同埋要買幾多嘢，大家完全零概念。
-
E7求生大作戰 (I)
世紀天災即將降臨，四位主持根據神秘嘅線報，得知有一批求生物資，收埋喺一間荒廢學校裏面。就喺佢哋踏入學校大門嗰一刻，神秘嘅力量將佢哋四個封鎖喺裡面！
-
E8求生大作戰 (II)
經過咗頭幾關嘅挑戰，四位主持都將賴以維生嘅「生命之泉」消耗得七七八八，佢哋要喺個人生存同同伴安危之間作出抉擇，期間更加有始料不及嘅意外，令佢哋身陷險境⋯
-
E9日本地震洪水點防備？
四位主持喺香港學咗咁多同防災有關嘅知識，亦都有嘗試唔同嘅體驗，不過正所謂學海無涯，既然要深入了解「災難」，直接飛去防災措施做足嘅日本學嘢啦！
-
E10日本防災館體驗日
為咗令市民喺面對各種災難嘅時候，都可以減低慌張同知道點樣應對，所以日本設有唔同嘅防災館，透過模擬體驗，畀大家學習防災知識。
-
E11日本防災規劃
日本周不時都發生地震，為咗防災當地做咗多方面措施，其中白鬚東團地就係墨田區內最大規模嘅防災據點！珈其同Phoebus唔止參觀團地嘅防災設備，仲體驗埋防災演習嘅過程，同時隔籬嘅東白鬚公園都暗藏防災設施，難怪佢哋覺得安全到想住埋一份！
-
E12日本防災林林總總
Skytree係東京著名嘅旅遊景點之一，雖然佢樓高有成634米，但係抗震能力非常之強，就算發生地震都能夠屹立不倒，今次珈其同Phoebus有機會深入Skytree核心嘅內圍，了解佢嘅不倒之謎！
-
E13居日港人防災準備
移居日本嘅香港人真係唔少，但唔知係咪因為香港真係太少災難發生，所以就算明知日本多災難，居日港人嘅防災意識都係相對較低，甚至未必會為防災預早準備。
-
E14災後日本能登半島 (I)
2024年嘅1月1日，對於世界各地嘅人嚟講係新一年嘅開始，但呢日正係日本能登半島居民嘅一場惡夢，當日發生規模達到7.6級嘅大地震，瞬間將能登半島推向煉獄般嘅局面⋯⋯
-
E15災後日本能登半島 (II)
上一集講到Shirley同Asha去咗喺上年元旦日發生7.6級大地震嘅能登半島，親身感受天災嘅無情，破壞嘅可怕，今集佢哋繼續拜訪唔同嘅地方，體會到人間有愛嘅精神，唔止能登居民互相幫忙，連其他地方嘅人同單位都為復興能登出心出力。
