-
E1福岡生活指南 (I)
蒙嘉慧係咪移民福岡？非也，只係《呢度住吓 嗰度住吓》！今集Yoyo大方分享自己喺福岡嘅逍遙人生！工作時工作，工餘時唔打羽毛球，改打劍道！
-
E2福岡生活指南 (II)
蒙嘉慧嘅福岡生活係咁嘅：揸車去郊外拎山水、買農家食材、食靚景豆腐料理、浸日歸溫泉、到農場買即日鮮雞蛋，返屋企後再用山水煲湯沖茶飲⋯逍遙到咁，令DEE 姐、保錡眼紅紅兼眼界大開！
-
E3福岡人妻生活
今次旅程，YOYO大方介紹佢喺福岡遇到嘅好人好物，包括製片Erica！Erica 幾年前由香港搬到福岡，本身諗住嗰度住吓，學好日文再作打算，中途邂逅居酒屋老闆兼丈夫山崎先生！
-
E4農家一泊一食
Yoyo想試玩好耐嘅「農泊」，係當地新興嘅旅遊玩法，今集會去到「農泊」嘅發源地—大分縣安心院，跟住農田中嘅神仙眷侶佐藤夫婦，落田摘菜、劈柴、學煮農家菜！
-
E5鄉郊移住體驗
日本少子化問題嚴重， 好多鄉郊都推行「移住體驗」，吸引年輕家庭同後生仔玩幾日，感受當地嘅衣食住行。 今集三位去到玉露茶第一嘅八女，試打工、試過夜，移居鄉下有冇得諗？
-
E6廢校民宿體驗
日本「少子化」問題，除咗令到鄉郊地區冇晒後生仔，同時搞到好多學校收唔到生，變成「廢校」，活化「廢校」成為當地潮流！今集去到佐賀縣嬉野町一間小學廢校改建成嘅民宿，由幾位負責打理學校嘅七十路美人會成員帶路，去校舍附近嘅田野親親大自然。
-
E7糸島合宿體驗
日本鄉郊有很多「呢度住吓」嘅短住體驗，糸島有一對夫婦，希望實現自給自足嘅遠大理想，買咗一間古屋改建成合宿， 再招募身懷絕技、同道中人做宿友！Yoyo、Dee姐、保錡三人之中，誰人技高一籌，可以留低發展呢？
-
E8斷捨離骨董市場
三人出發前有特別任務，各自要喺屋企斷捨離，出賣冇用嘅物品去，全九州最大型嘅骨董市場攞檔！三人之中，唯有YOYO最賣力，連丈夫嘅遊戲機都拎出嚟賣！仲要不計成本，但求散貨！
-
E9福岡在地生活
DEE姐、保錡先自薦做交通安全隊，住迷你玩具巡邏車，喺福岡田隈區接小學生放學，感受當地居民貢獻社區嘅無私精神。晚上Dee姐去屋台打工，跟法國靚仔大廚學師兼偷師，了解外國人在日本生活嘅實況，同場加映Yoyo同保錡突然探班，睇吓Dee姐有冇偷懶
-
E10九州在地住吓
今集三位探訪兩個喺九州開民宿嘅香港朋友仔： ANDY 喺福岡唐人町買入一戶建做民宿，一人之力打理一間民宿！純愛港女Rachel疫情期間遠嫁由布院，做民宿女主人，齊齊分享在地住吓嘅住後感！
-
E11福岡跑步團
保錡即將離隊，Yoyo 帶佢同Dee姐，去到福岡市民最愛嘅跑步熱點- 大濠公園， 同當地跑會一齊團操！之後女士止步，保錡同男團友們一齊去澡堂玉帛相見，體驗日本最近盛行嘅「錢湯跑」嘅跑步新潮流！
-
E12牛腸鍋與小朋友食堂
今集Dee姐會去YOYO推介嘅牛腸鍋元祖店學藝，懷緬當年點樣喺福岡對牛腸鍋動情，再荼毒Yoyo！另外，二人會去一間放學後小朋友食堂，小朋友食完茶點，有DEE姐做替工教英文，幫輕日本在職嘅媽媽湊小朋友。
-
E13港人周圍住吓
港人Peggy同日籍老公十幾年嚟，一直過住「呢度住吓嗰度住吓」嘅生活，先後住勻幾大洲，幾年前決定移居日本，收購古老茶屋，跟老師傅邊做邊學，喺秋月落地生根。Dee姐喺茶屋打一日工，感受在鄉下打一日工嘅簡樸生活！
-
E14福岡思鄉飯堂
港人夫婦Kelvin同Michelle原本喺香港開餐廳，幾年前零日文情況之下，連人帶餐廳移居日本，之後仲成為YOYO 喺福岡其中一間思鄉飯堂。今集Dee姐繼續打工換移居心得，仲登堂入室，睇吓福岡有幾好住！
-
E15福岡樓盤傳真
Dee姐到Yoyo 嘅地產公司探班，跟公司拍檔 Wilfred睇埋最新樓盤，了解Yoyo喺福岡嘅真實生活！由生活機能、樓市走勢，了解福岡位列十大宜居排行榜嘅原因！
