-
E4夫妻關係 (II)
繼續上集嘅主題：夫妻關係！今集再傾深入啲，大講性生活！香港地少人多，好多家長都要同小朋友同房，又邊有地方做愛做嘅事呢？素人爸爸用「感謝祭」或「週年慶」形容佢同太太嘅性生活...
-
E5人奶 vs 奶粉
「人奶VS奶粉」，成為咗今日大部份媽媽嘅一大煩惱; 「奶粉派」就飽受閒言閒語，話佢哋選擇奶粉係唔顧小朋友健康！
-
E6工人姐姐
搵到好姐姐，仲難過中六合彩！？今集3位素人家長，就講吓自己工人有幾極品！有一位工人姐姐有公主病，佢話一定要食新鮮食物，隔夜餸同外賣都唔食得，要阿MOM特登煮飯畀佢食！另一個工人就喺放假日飲醉酒，甚至有人會接色情生意！
-
E7經營親子IG
今日BB出世，10個家長9 個會幫小朋友開IG，或者會用自己本身嘅IG發布育兒內容，令到佢哋成為親子KOL！佢哋可以有成過萬追蹤，可以成日幫兒童品牌做宣傳，拎到好多免費育兒產品之餘，仲可以優先暢玩新嘅遊樂設施！
-
E8小B儀式感
儀式感係生活嘅點綴，時下家長由懷孕開始已經有滿滿嘅儀式，從性別揭曉派對、影孕照、產房佈置、到BB出世後嘅花式慶祝方法各有不同！
-
E9學前教育
自BB出世，就好似要迎合各式各樣嘅兒童發展指標，BB幾多歲識行？1歲半要識幾多組疊字？學前教育專家嘅建議千變萬化，令唔少新手父母都無所適從。
-
E10小孩的學術之路
上集講完學前教育，今集緊接由虎爸媽派同自由派父母分享小朋友正式嘅學術之路，原來正式入學前，報讀有用嘅興趣班已經係爸媽必爭之地？每月用五位數就只為小朋友有張靚CV? 細路樣樣皆精，全因要夠料入名校，到底所謂「名校」有咩咁吸引？
-
E11黑白父母
父母好多時都會一個做黑面，一個做白面！究竟佢哋係點分工？其中一個黑面爸爸就試過因為大女食飯慢，就一分鐘抌佢一條公主裙，最後一共抌咗足足六條，然後個女嬲咗佢！
-
E12四大長老
10個有9個家長喺生仔後，都會同四大長老有「拗撬」。家長分享有次長老帶小朋友去公園玩，奶奶教個孫急尿就喺花叢屙，而呢個行為係「對花花SAY HELLO」，一秒辣著媽媽！
-
E13節日儀式感
今集家長充滿節日儀式感，大家都會悉心佈置家居，例如聖誕節就會放米六高嘅聖誕樹，仲會同小朋友自製吊飾、花圈同聖誕卡！家長為咗成功呃細路世界上有聖誕老人，佢哋會講善意嘅謊言，話香港返工嘅聖誕老人，係唔會爬煙囪，而係爬大廈外牆送禮物！
-
E14家家有場難忘的旅行 (I)
「帶小朋友去旅行，樣樣嘢都要比自己去更加計過度過！」呢句就係今集四位家長嘅寫照！買機票要精心計算，揀啱起飛時間，先可以將小朋友喺飛機扭計嘅機會降到最低！執小朋友行李絕對唔容易，更係媽媽專利，男士勿插手！
-
E15家家有場難忘的旅行 (II)
上咗飛機，就以為可以放鬆心情享受旅程？四位家長好肯定答：NO！皆因落地之後先係真正挑戰！家長為小朋友預備行程，小朋友竟然跑一個圈就話要走？原來小朋友一心只係想去遊戲機舖買玩具、打機！以為小朋友去打機，家長有得抖？
-
E16與「小情人」談一場戀愛！
成日都話:「仔女係媽咪同爹哋嘅前世情人」...有幸「再續前緣」，注定會擦出轟烈嘅火花！熱戀期嘅難離難捨，爹哋媽咪病到神志不清，都堅持親自接送「小情人」，甚至犧牲me time，夜晚8點一到，即刻同「小情人」上床瞓覺，每分每秒都對住「小情人」
-
E17小財神育成記 (I)
新年派利是，可謂見盡人間百態！今集嘅家長將會分享佢哋仔女收利是嘅經歷。有仔女呢頭接完利是，嗰頭即刻拆開偷睇；亦有家長分享，有長輩竟然會因為性別而派唔同金額嘅利是！
-
E18小財神育成記 (II)
上回提到，小朋友嘅利是錢，會觸發連場親子大戰！但原來「零用錢」亦係親子角力嘅戰場！呢頭家長畀零用錢小朋友，希望佢哋學識儲錢、理財，嗰頭小朋友化身財神，洗晒「成副身家」請全班同學食零食，甚至打算用零用錢買貴價禮物，氹心儀女同學開心！
-
E19仔窮養‧女富養
中國傳統思想「仔窮養‧女富養」仲有家長buy㗎！今集嘅其中兩位素人家長有仔有女，佢哋都當家姐係寶，細佬係草！大女幸福到一出世就收到長輩送嘅6位數教育基金；細佬就乜都冇，仲要著親戚朋友2手衫，仲有位父母打算個仔大個啲就送去讀軍校！
-
E20估你唔到功課 (I)
香港小朋友每日至少做7份功課，好似都唔係啲咩秘密，但其實當中受苦嘅除咗小朋友，家長先至係最崩潰，因為啲功課唔單止深到連大人都唔識，有時仲會指明一定要「親子」一齊做。
-
E21估你唔到功課 (II)
上集主持畀學術功課嘅深奧程度震撼三觀，今集素人家長繼續大爆非主科嘅功課有幾瘋狂，原來幼稚園K1要揼釘做木工、N班嘅「親子功課」，就需要1個月時間先完成到！幼稚園功課已經咁複雜，咁小學生又係點樣「求分數」呢？
-
E22遇XX，我即刻變大個
小朋友真係好鍾意「扮大人」 ，佢哋遇到父母同心儀對象，都會突然長大，秒變「老人精」！
-
E23親子「玄」份大解構
家長同仔女之間，講「緣」亦講「玄」！今集嘅素人媽媽們將會分享佢哋同仔女嘅「玄」份！「擇時辰開刀」同「揀相合生肖」嘅家長一樣咁多，有位媽媽就心心念念為咗生個同自己相合嘅「兔女」，計準時間，努力造人！
-
E24玩具「有」惑？ (I)
對小朋友嚟講，玩具可以用嚟娛樂；但對於爹哋媽咪嚟講，玩具嘅用途，十隻手指都數唔晒！今集嘅素人家長分享玩具對佢哋嘅意義，有爹哋名義上買積木獎勵仔仔，實情係明知佢唔會玩，最終只會落返自己袋！亦有媽咪好捨得，每次仔女飲完一杯奶，就會買玩具獎勵！
-
E25玩具「有」惑？ (II)
「小朋友先做選擇，大人當然全部都要！」今集嘅素人家長成日買玩具「獎勵」自己，對呢句心領神會！呢頭教小朋友「要珍惜玩具」，轉個頭用五、六千蚊買自 己鍾意嘅玩具公仔，甚至一款模型特登買兩盒，其中一盒原封不動，純粹用嚟展示...
-
E26小B戒癮記 (I)
做父母其中一個難題，就係「戒癮」！戒奶、戒片、戒睇電視……戒甩鋪癮真係唔易！有家長認為最難戒係尿片，因為戒片都有分季節，實在唔忍心喺冬天除小朋友條褲，所以要等到夏天先戒得！而除咗幫小B「戒癮」，父母為咗小朋友都捨棄咗自己嘅興趣！
-
E27小B戒癮記 (II)
今集繼續同大家分享「小B『戒癮』排行榜」，第四至五位就係「戒奶咀」同「戒夜奶」！雖然一般只需3日就可以戒甩奶咀，但喺呢段時間，你要任由小朋友喪喊幾日，唔使旨意有覺好瞓！父母同仔女都絕對係用生命值換取成功！
-
E28兩孩相遇記
「小孩」同「毛孩」，兩種生物都令人又愛又恨，當佢哋相遇，上一秒美夢成真，下一秒就有機會變成噩夢！例如: 小朋友細，未學識同理心，成日騎喺毛孩身上，痛到毛孩慘叫！
