-
E1越南：一生人第一次
高質旅行團第一站到達越南！主持人Thor同Shirley率先體驗踎街餐廳，初嚐香港人聞風喪膽嘅越南美顏聖品：鴨仔蛋！兩位仲學當地人咁試食晒南部同北部食法，皮膚即刻滑過雞蛋。
-
E2越南：體力、腦力、心力交戰
胡志明市近年開始流行「時鐘式同床飲啡」，最耐仲可以留8個鐘，Thor同Shirley竟然「同床」一邊飲啡一邊講冷知識？越南馬路出晒名夠亂，為咗唔使接受懲罰，兩位可以去到幾盡？
-
E3越南：高海拔、高風險體驗
大叻位於南部海拔1500米以上，有別於胡志明市嘅濕熱，罕有地一年四季天氣乾爽，冬天甚至凍到要著羽絨，成為當地人嘅度假勝地。
-
E4越南：瘋癲之旅
兩位去到越南中部嘅會安古鎮，除咗考驗平衡力坐竹籃船、拍攝越南版ChillClub大唱經典金曲，行程仲剌激到Shirley大叫「癡鬼線公司」？
-
E5越南：地踎交友、Chill慢活
越南就好似係休閒、慢活嘅代名詞，連Thor同Shirley都忍唔住要忙裡偷閒——無視街邊廢氣，體驗一邊地踎飲啡一邊交友、走入山旮旯溫泉樂園浸美顏泥漿浴。
-
E6泰國：越痛越靚、越恨越愛
高質旅行團第二站到達泰國！泰國團友Renee點諗到去美容竟然會畀人兜巴車落面？而Thor為咗挺直返腰骨都要畀人打？
-
E7泰國：冰火二重奏
嚟到泰國點可以唔食辣？不如早餐都由辣開始？Thor同Renee亦接受挑戰，一次過試勻晒五款辣度嘅泰國傳統美食：肉碎煎蛋飯，辣到high high嘅同時，兩位先知原來鴨蛋可以解辣？
-
E8泰國：祝你有個Good Day
泰國出晒名多古靈精怪嘢試，而拍攝期間遇正Thor生日，製作組當然會大肆慶祝——位於曼谷嘅魔法蛋糕店簡直係儀式感爆棚，有魔法袍著、多人合奏嘅魔咒、神秘魔法蛋糕，嚇到兩位驚得嚟又係咁笑。
-
E9泰國：May The FORCE Be With You
喺泰國除咗去廟宇求神拜佛，有冇諗過食漢堡包都可以得到保佑？有一間曼谷小食店會將3款護身經文分別印落漢堡包：「財富」、「愛與仁慈」、「力量」。
-
E10泰國：童夢、飛天之旅
邊個話泰國冇得意嘢玩？Thor同Renee今集將會化身大細路，由小綿羊農莊開始玩起，點知大嘴鳥頑童上身完全無視訓練員。連遊樂員職員都鬼死咁百厭，強迫大家連坐三次過山車。
-
E11台灣：B級景點與無里頭大腦
高質旅行團第三站到達台灣！Thor同台灣團友Chloe率先被帶去台南三桃山樂園aka「B級景點」，學習欣賞台灣人嘅另類美學，感受神話小說活現於眼前嘅震撼！
-
E12台灣：我和夜市、芫茜有個約會
喺台灣行夜市係必做之事，Thor同Chloe決定嚟個深度體驗，試做一日手搖店店長！Chloe仲公事公辦，為咗生意都要收前輩錢。
-
E13台灣：藝人面具下的「運動高手」
Chloe So aka「三分神射手」殺到嚟台北！喺呢場街頭鬥牛，兩位嘅對手係一班高中生，即使當中有「台灣最強」都未驚過！
-
E14台灣：全方位膠遊
今集Thor同Chloe走遍台北、台中、台南，360度玩盡台灣——先喺台北萬華區參與台日招財祭典，眾人被灌酒後，由Thor帶頭抬大橋行足10分鐘、再到台中飲買少見少嘅傳統蛋蜜汁、再落台南一日內感受天堂地獄嘅滋味！
-
E15台灣：先失戀、後養生、再純愛
「感情問題建議一律分手」喺新一代嘅情感信仰，Thor同Chloe呢集走入「失戀故事博物館」，擺滿咗貼滿牆嘅memo紙、前人分手遺物，仲遇見香港情侶，同對方玩咗個「預言遊戲」？
