-
E1軼晴遊記（I）
D：歡迎王家晴抵台同我一齊拍呢個節目，喺夜市唔敢叫嘢食嘅Candy好可愛。C：落機見到阿Day嗰一刻，就諗返起之前一齊拍《韓國留學Day Day晴》嘅時間。Day今日主動同滑板教練傾偈訪問，好叻！
-
E2軼晴遊記（II）
D：台灣嘅人都好熱情，復古美容院嘅老闆娘同舊式歌舞廳嘅蘇姐姐都好好傾，就算我係內向嘅人去到台灣都可以外向起來！C：我都好想同Day去影Y2K貼紙相，可惜我而家學期尾要趕功課，希望下次有機會同Day再去。
-
E3軼晴遊記（III）
D：今日Candy好勁，玩體能挑戰過到好多關卡，不愧為運動員！C：今日所有行程我都好滿意，做運動可以流汗又有挑戰性，同埋今日個神秘驚奇真係令我意想不到，多謝製造驚喜畀我嘅咁多位！
-
E4軼晴遊記（IV）
D：Candy鍾意食包同芝麻，所以我特登揀咗間有即蒸芝麻包嘅包子店，見到佢食得開心，我都好開心！C：考咗車牌之後都無揸過車，今次有機會揸卡丁車可以止吓手癮。如果有機會，我都好想揸車載 Day自駕遊。
-
E5軼晴日誌（V）
D：雖然Candy唔食蚵仔煎，但佢喺夜市都特登買畀我食，好Sweet！C：估唔到漁夫體驗係咁有趣，之後嘅漁夫餐都好好食，呢啲菜色全部都係我喺其他地方無食過嘅味道，超級印象深刻！
-
E6軼晴日誌（VI）
D：同Candy去旅行，每日都係佢起身先，今日佢仲買埋早餐畀我食，佢真係對我好好！算命老師話我哋好夾，可能我哋最夾就係，我哋都唔會要求對方遷就自己，亦都唔介意為對方做多少少。
-
E7軼晴日誌（VII）
D：同Candy喺公園踩單車，踩完之後我哋坐咗喺張長凳到發呆同傾偈，嗰個時間其實好貼近我同Candy日常相處嘅狀態，大家有嘢想分享就講下，可能內容無咩營養但好自在。
-
E8軼晴日誌（VIII）
D：無特別行程安排，反而多咗時間真係可以同Candy坐低傾偈，今日嘅傾偈環節令我諗返好多我哋兩個之間嘅小細節
-
E9軼晴日誌（IX）
D：今日玩SUP雖然划得唔係好好，但都成功企到起身，Yeah！玩完水之後，我聽住歌沖涼真係好有喺海島度假嘅感覺，好想繼續放假…
-
E10軼晴日誌（X）
D：今日去睇海洋生物，我覺得自己可以留喺嗰度睇成日，好療癒～之後好開心有個機會同Candy一齊回顧返成個旅程，一諗返起旅程入面我同Candy之間嘅相處、一齊經歷嘅事、生活上嘅磨合，好感觸。
