-
E12家居藏寶圖
幾時都話家有一老如有一寶，今集教大家如果屋企有老人家，你張家居設計圖紙要點安排先可以好好藏到寶。同埋邊個話木傢俬一定係木色？我就係要上漆上到佢五顏綠色。
-
E13見海不是海
長沙灣旁邊係海，油麻地旁邊都係海，咁有咩分別？前者係講室內設計，後者係同你講上海街建築。睇埋呢集，教你用埋家居功能漆就唔需要驚畀小朋友畫亂啲牆啦。
-
E14黑白設計
黑白大廚成為最近城中熱話，但原來香港都有黑白大師。黑白家居設計，你又有冇諗過？轉一個香港設計嘅馬桶，你又有冇諗過？但我諗你最估唔到嘅係車公廟旁邊有座寧靜嘅建築係咩！原來建築都有相由心生。
-
E15男女平衡靠設計
「男主人女主人你哋唔好再鬧交啦，我住咗咁耐你哋鬧足咁耐！」唔想聽到你屋企隻寵物咁樣投訴，你哋就要睇呢集設計師點樣平衡無限figure收藏到女主人嘅簡約風。其實，要裝飾有時都唔只figure嘅，花線都一樣幫到你！
-
E16樓盤都有輪廓？
藝術同偽術都有分別，咁樓盤輪廓呢？要突顯輪廓，就要以最小改動突顯最大優勢，就好似智能家居咁，不過想要智能家居，記得要喺裝修前決定好！咁裝修前仲有咩要睇？唔睇又點過到驗樓個一關！其實講到尾，要間屋靚同實用，都係要睇我哋《磚造美學》。
-
E17西式神枱 咩嚟㗎？？？
如題，請指示！究竟西式嘅神枱即係咩意思？你唔好跣我喎！唔好嘅地板就會跣你，今集教你買唔會跣嘅地板。就好似嘉賓Pinky咁，喺電子產品上一定唔會跣你，同樣佢嘅家居設計都一樣。不過唔想收樓個時先俾人跣一鑊，就要睇呢集啦！
-
E18同則不同格
畀你揀，你鍾意望海定望山？有人話，鍾意望海嘅人都係喜歡自由多啲，如果係，今集我哋就一齊自在咁睇一睇海景樓盤可以點做室內設計。同時一齊揀埋有咩窗簾係你心目中嘅理想窗簾。但如果你鍾意望山呢類綠植，咁第二部份嘅麥當勞叔叔之家就啱晒你。
-
E19則則復則蹟 設計要睇則
無人天生係完美，樓盤個則都一樣。但室內設計就係將腐朽化為奇蹟，幾古怪嘅則都可以變成四四正正嘅則。再襯埋專屬嘅櫈，成個室內設計即刻有晒風格。但今集又點可以唔講故，話說以前有一位建築師都將唔同嘅設計理念放咗喺建築上面，呢位就係張肇康先生。
-
E20喵設計先啱
喵喵喵喵喵喵喵（呢間屋企我鍾意！）要令到你屋企主子住得舒服又順心，空間幾大幾細都做到嘅！唔信？麻煩睇睇今集，無論設計、風格都一應俱全。由核心外圍到核心內圍，一樣照顧周全。不過睇完家居設計，都知你一定會想買張好似今次呢個單位咁，好用嘅梳化。
-
E21智能家居系統
試想像一下，當你擁有一套智能家居系統，你人生會幾簡單？不過都唔夠今集咁簡單，無論風格、設計、牆紙介紹都一次過介紹畀你。不過有少少唔簡單嘅係，原來西半山暗藏玄機，一座二戰前二級歷史建築可以好簡單就成幢大廈買晒。
-
E22室內設計第一要事 ：揀門
一間屋咩都可以冇，但唔可以無門！究竟用門分開唔同空間好啲，定好似呢個單位咁，一體過夠哂空間感呢？真係睇下先知，咁唔好執輸，一次過睇埋木門先。咦！同埋教育大學呢到點解會有一片銀色嘅門？
-
E23室內設計要啲色水
成日都覺得屋企室內設計顏色好難諗，想要田園綠又想要沉實灰。人都有好多性格，一間屋其實唔同空間都可以有唔同風格。就好似洗手間揀洗手盤都大把選擇，咁究竟點揀？
-
E24一個單位睇晒日出日落
一個平台睇到日出日落原來都唔難，但要設計到令你享受到日出日落，先係竅妙之處。一入屋就有種渡假感覺，今集Danny帶你睇極致嘅享受！
-
E25市區離島二選一
市區舊樓翻新，做到既復古又現代嘅風格絕對不容易！想居住寧靜、遠離都市嘅繁囂，嘗試小島風格可能係一個唔錯嘅選擇。除咗不同設計風格，家居裝修不可或缺嘅就係磚！
-
E26規劃的重要性
一間屋劃分有不同區域，客廳、飯廳等等，區域規劃得宜，居功於我哋嘅設計師，令到我哋今集屋主住得舒舒舒服。一個城市嘅規劃當中體育場所不可或缺，今集建築設計師Vincent 到底如何透過足球中心設計突顯足球嘅動感呢？
-
E27悠閒貴氣風
一間二千呎嘅大單位，點樣設計先可以貴氣得嚟又低調？招待朋友嘅時候，設計師又會有咩傢俬好建議？而一間有有百幾年歷史嘅古蹟，建築師又會喺入面搵到啲咩特色建築？
-
E28深色型格空間感
香港地地方淺窄，裝修通常都叫你用淺色油漆同傢俬為主，望落去會闊落啲。設計師同你講深色一樣可以製造空間感之餘又型格！另外設計師教你善用組合傢俱，咁就可以令屋企更加多位啦！
-
E29家中一點藍
裝修色調講求一個平衡，如果要喺常見嘅色調入面特別加一隻完全唔同嘅顏色，設計師會點解決？屋企門鎖睇厭咗，或者壞咗要換，係咪一定吓吓要搵人嚟搞？人類住所變身貓貓天地，當中要點樣設計？終於排到居屋，拎到清水樓要點樣驗？
-
E30藏在每個角落的雲石設計
雲石通常淨係用喺台面，原來可以有更多利用空間？藝術牆紙唔單止款色多變，仲可以用嚟做傢俬同隔音？一間以前上過雜誌嘅「示範單位」，日積月累之下都變得普通，一齊睇下主持人點樣從收納同軟裝方面改變，令到間屋煥然一新。
-
E31高採光迴廊設計
一間屋嘅中心如果內置一個迴廊，成個效果會係點？設計師又點解會選擇呈現呢個效果？街道上見到紅白外牆嘅建築，係咪一定係歷史遺留嘅建築物？全港得返三塊嘅字粒式T形路牌，呢度都可以見到？當中又有乜嘢故事同設計心思蘊藏其中？
-
E32原木貓貓天地
主子大過天，越嚟越多人喺裝修嘅時候會考慮裝埋貓咪配件，等主子可以玩得開心，究竟喺安裝呢啲配件嘅時候，有咩要注意？堅尼地城望住個海，沿途都係餐廳cafe，究竟呢區係咪真係咁chill？
-
E33五顏六色的家居
裝修屋企通常都用白色為主，如果間屋五顏六色，出嚟嘅效果會唔會奇怪？設計師會點樣呈現美感？荃灣西作為居住地區，究竟好唔好住，周圍又有啲咩設施方便居民？屋企有新成員，新手爸爸媽媽喺裝修小朋友間房之前又有咩需要考慮，可以點樣陪伴小朋友成長？
