-
E14絲帶花
傳統布藝手工就聽得多，原來古代嘅絲帶花其實一開始都係布去做，之後先被轉成用絲帶去做。絲帶花其心有多場合都會用到，相信學成之後，嘉賓主持們都可以係不同場合活用呢個技術啊！唔知嘉賓整好之後，最想將絲帶花送俾邊個呢？
-
E15少林
少林功夫好，少林功夫勁啊！呢啲就聽得多，到底少林功夫其實係點呢？今日同大家了解呢款中國武術，唔好再令少林功夫成為傳說，親眼目睹，親身體驗一下啦！到底少林功夫係唔係真係有金鋼腿同鐵頭功呢？
-
E16團扇畫
團扇畫係中國歷史悠久嘅藝術品，藝術家一般係扇上作畫或寫字以抒情達意，而且仲可以係上面寫詩，再送比友人作為紀念。所以今日嚟嘅嘉賓真係有福啦！畫完團扇畫仲可以留作紀念自己第一次上電視添啊！
-
E17詠春
電影經常出現嘅詠春同現實中嘅詠春到底有咩分別？呢一項新興武術其實又係點㗎呢？今日有詠春導師同嘉賓一齊體驗真正傳承嘅詠春拳！
-
E18摺紙
由細到大，大家都一定有玩過摺紙，摺下心形，星星，紙鶴等，但原來摺紙都可以玩到出神入化！今次有摺紙大師教嘉賓及主持大玩摺紙技術！睇吓邊位心靈手巧啲！
-
E19健身氣功
健身氣功以調身、調息、調心為本，不僅增強肌肉強度，更可以舒筋活胳，發揮人體的潛能。所以有好多人都練健康氣功嚟強身健體，唔好以為淨係老人家先玩，原來年青人練都好有用！咁今日就由專業導師同大家試下啦！
-
E20筷子舞
筷子，除左係餐具，原來都係舞蹈用具！筷子舞係蒙古族獨具韻味嘅傳統舞蹈之一，一般都係喺節慶或者婚宴果陣就會跳呢種舞助慶。今次由專業嘅民族舞導師教大家呢下呢隻開心舞啦！
-
E21民族舞
中國少數民族有好多，今次為大家介紹其中少數民族嘅舞蹈！呢款民族舞聽講係重大節目先會跳，而且服飾嘅每一個細節都有特別意義！就係唔識跳，欣賞一下呢套咁美麗嘅服飾都令人開心架！
-
E22八段錦
八段錦是一種在中國古代發明的健身方法，由八種肢體動作組成，內容包括肢體運動和氣息調理，八段錦的動作一般比較舒緩，適合各年齡段的人鍛鍊。今集由專業導師教大家輕鬆鍛鍊！
-
E23西藏舞
能走路的會跳舞，會說話的能歌唱，能歌善舞是藏族人民的天性，他們一直以此為傲。今次由導師教授西藏舞，睇吓主持同嘉賓幾落力跳，跳到喘晒氣咁喎！
-
E24織草猛
從小到大，喺電視劇裡面成日都見到啲男女主的話織草猛，咁到底真係識織嘅人又有幾多呢？今日導師就會教大家織草猛，感受一下老派約會嘅風情！
-
E25鈴鐺舞
鈴鐺係中國朝鮮族嘅舞蹈，主要來自延吉一帶，主要展現韻律美及含蓄美。聽住鈴鐺嘅聲音加上優雅嘅舞姿，成個人都放鬆哂啊！但唔知跳緊舞嘅呢幾個人，又係唔係咁諗呢？
-
E26雙節棍
睇得武打電影多都知雙節棍係啲咩，咁到底雙節棍係現實中又係點㗎呢？其實雙節棍係史書都有記載佢嘅用途，用於作戰時攻擊馬腳和騎兵破甲，既可以放長擊遠，又可以近身防護，攻防兼備，咁我哋一齊學下咁厲害嘅雙節棍啦！
